Գործարարները չեն կարող հակադարձ քայլ անել, նրանք ազատվում են կոռուպցիոն բոլոր պարտականություններից. վարչապետ

Վարչապետ Նիկոլ Փաշինյանը չի կիսում ՀՀԿ-ականների տեսակետը, թե կառավարության ծրագիրը բարեմաղթանքների ու ցանկությունների ծրագիր է: Խորհրդարանում լրագրողների հետ զրույցում նա ասաց. «Նշված է շատ կոնկրետ ժամանակահատված՝ 1 տարվա ընթացքում արտահերթ ընտրությունների կազմակերպում»

Վարչապետը նաև հայտարարեց, որ քաղաքական ռեպրեսիաներ չկան:

Հարցին` չի՞ անհանգստանում, որ գործարարները հարկային դաշտ մտնելուց հետո կարող են հակադարձել վարչապետին, նա արձագանքեց. «Դուք մտածում եք, որևէ մեկը կարող է հակադարձ քա՞յլ անել: Նրանք ազատվում են կոռուպցիոն բոլոր պարտականություններից, ես նրանց շատ մեծ գումարներ եմ նվիրել»: