Գերմանիայում դատում են հրապարակում իր կնոջ ու երեխային սպանած ադրբեջանցուն

Գերմանիայի Լիմբուրգ քաղաքում դատում են Ադրբեջանի 37-ամյա քաղաքացու, ով հոկտեմբերին քաղաքի կենտրոնական հրապարակում դանակահարել էր նախկին կնոջն ու 10-ամյա դստերը. հայտնում է АПА-ն:

Հետաքննությունը պարզել է, որ նա ծեծել է կնոջը դեռ Ադրբեջանում գտնվելու ժամանակ: 12 տարի առաջ նրանք տեղափոխվել են Գերմանիա, որտեղ ծնվել է նրանց աղջիկը: Ընտանեկան երջանիկ կյանքը տևել է 5 ամիս, ինչից հետո վեճերը վերսկսվել են: Երկու տարի առաջ կինը երեխայի հետ հեռացել էր ամուսնուց:

Ըստ հետաքննության` տղամարդը երկու տարով նրանց հանգիստ է  թողել, այնուհետև սկսել է համոզել կնոջը, որ ցանկանում է  հանդիպել իր դստեր հետ, և ճակատագրական հանդիպումը կայացել է Bahnhofsplatz հրապարակի սրճարաներից մեկում: Տղամարդը նվեր էր բերել կնոջ համար և փորձել համոզել նրան վերադառնալ, սակայն կինը մերժել էր: Դա հունից հանել էր տղամարդուն, նա վերցրել րէ սրճարանի խոհանոցային դանակը և դանակահարել կնոջն ու երեխային: Ստացած վնասվածքներից նրանք մահացել էին: