Նշանակումներ՝ ոստիկանությունում. Վալերի Օսիպյանը ներկայացրել է նոր փոխոստիկանապետերին. տեսանյութ

ՀՀ ոստիկանությունում այսօր նշանակումներ են արվել: Yerkir.am-ի հետ զրույցում ՀՀ ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանը տեղեկացրեց, որ երեք նշանակում է արվել:

ՀՀ ոստիկանապետ Վալերի Օսիպյանն այսօր հանդիպել է ոստիկանության ղեկավար կազմի հետ և ներկայացրել ոստիկանապետի առաջին տեղակալին՝ գնդապետ Արման Սարգսյանին։ Նա, ի դեպ, մինչ այս զբաղեցնում էր քրեական հետախուզության գլխավոր վարչության պետի առաջին տեղակալի պաշտոնը։

Բացի այդ՝  ոստիկանության պետի տեղակալ է նշանակվել Հովհաննես Քոչարյանը, ով էլ մինչ այս զբաղեցնում էր ոստիկանության շտաբի պետի պաշտոնը։

Ջանոյանը տեղեկացրեց նաև, որ կազմակերպված հանցավորության դեմ պայքարի գլխավոր վարչության պետ է նշանակվել Արտակ Կարապետյանը, ով մինչ այս զբաղեցնում էր Շիրակի մարզային վարչության պետի պաշտոնը: