Էրդողանը հետ է կանչել Թել Ավիվում ու Վաշինգտոնում իր դեսպաններին

Թուրքիայի նախագահ Ռեջեփ Թայիփ Էրդողանը քննադատել է Գազայի հատվածում Իսրայելի ձեռնարկած գործողությունները:

Ըստ Demokartahebr-ի` նա «ահաբեկչական պետություն» է անվանել Իսրայելին` տեղեկացնելով, որ Անկարան հետ է կանչում Թել Ավիվում ու Վաշինգտոնում իր դեսպաններին ստեղծված իրավիճակի շուրջ խորհրդակցության համար։

Էրդողանը նաև նշել է, որ Իսրայելը 1948 թվականից մինչ օրս «օկուպացնում է Պաղեստինի տարածքները»:

«Մենք ակնկալում ենք, որ բոլոր ողջամիտ քրիստոնյաներն ու հրեաները կդատապարտեն այս ամենը»,- ասել է նա:

Հիշեցնենք, որ երեկ Երուսաղեմում տեղի է ունեցել ԱՄՆ դեսպանատան բացումը, որի պատճառով լուրջ բախումներ են եղել  Գազայի գոտում։ Պաղեստինցի ցուցարարների և իսրայելցի ուժայինների բախումների հետևանքով մահացել է 59 մարդ, ավելի քան 1700 մարդ վիրավորվել է: