Վարորդները միանում են Տարոն Մարգարյանի հրաժարականը պահանջողներին. փողոցները փակ են

Տեղեկացրել էինք, որ Երևանի քաղաքապետարանի առջև բողոքի ակցիա իրականացնողները փակել են հարակից փողոցները: «Մերժում ենք Տարոնին» նախաձեռնության անդամները պահանջում են Երևանի քաղաքապետ Տարոն Մարգարյանի հրաժարականը և ավագանու արձակումը։

Քիչ առաջ վարորդներից մեկը, փողոցի մեջտեղում թեք կանգնեցնելով ավտոմեքենան, միացավ ցուցարարներին: Մի քանի վարորդներ նույնպես միացան ակցիայի մասնակիցներին:

Զինվորականի հագուստով երկու տղամարդ մոտեցան բողոքի ակցիայի մասնակիցներին՝ հորդորելով բացել փողոցը, որպեսզի գնան ծառայության, սակայն մասնակիցները նշեցին, որ փողոցը փակ կմնա բոլորի համար՝  առանց բացառությունների: Զինվորականների մեքենան /քաղաքացիական/  շրջադարձ կատարեց և հեռացավ տարածքից:

Բողոքի ակցիայի մասնակիցները վանկարկում են՝ «Տարոնի վերջն եկել է»: