Գյումրիում 4-րդ հարկից 2,5 տարեկան երեխա է ընկել. վիճակը ծայրահեղ ծանր է

Գյումրու շենքերից մեկի 4-րդ հարկից 2,5 տարեկան երեխա է ընկել: Գյումրու Մոր և մանկան ավստրիական հիվանդանոցի տնօրեն Աշոտ Կուրղինյանը Yerkir.am-ի հետ զրույցում նշեց, որ այսօր` ժամը 12-ին, երեխան հիվանդանոց է տեղափոխվել ծայրահեղ ծանր, տերմինալ վիճակով:

«Նրա մոտ առկա են պոլիտրավմաներ՝ կրծքավանդակի, որովայնի, ինչպես նաև արմունկի բաց կոտրվածք էր առկա, սակայն կյանքին վտանգ սպառնացողը գանգուղեղային տրավման է: Երեխան անգիտակից վիճակում է եղել, հիվանդանոցում երկու անգամ սրտի կանգ է արձանագրվել, վերակենդանացման միջոցառումներ ենք իրականացրել: Այնուհետև կապ ենք հաստատել Երևանի «Սուրբ Աստվածամայր» ԲԿ-ի մեր գործընկերների հետ և երեխային տեղափոխել այնտեղ»,- ասաց Կուրղինյանը: