ԱՄՆ-ը «խելացի» հրթիռներով ցանկանում է մաքրե՞լ սադրանքի հետքերը. Զախարովա

ՌԴ ԱԳՆ պաշտոնական  ներկայացուցիչ Մարիա Զախարովան իր ֆեյսբուքյան էջում մեկնաբանել է ԱՄՆ նախագահ Դոնալդ Թրամփի խոսքերը, ով կոչ էր արել Ռուսաստանին` պատրաստվել Սիրիայում հրթիռային հարվածների «խելացի» հրթիռներով. հայտնում է Газета.ру-ն:

«Խելացի հրթիռները պետք է թռչեն ահաբեկիչների կողմը, ոչ թե` օրինական կառավարության, որն արդեն 6 տարի է` իր տարածքում պայքարում է միջազգային ահաբեկչության դեմ: Այո, ի դեպ: Իսկ Քիմիական զենքն արգելող կազմակերպության տեսուչներին զգուշացրել են, որ խելացի հրթիռները կոչնչացնեն ցամաքում քիմիական զենքի կիրառման բոլոր ապացույցները: Թե՞ հենց մտածված է անել այնպես, որպեսզի խելացի հրթիռների հարվածներով մաքրել սադրանքի հետքերը, և միջազգային տեսուչներն այլևս ապացույց որոնելու բան չունենան»,- գրել է Զախարովան: