«Ջնջել Հայաստան՝ երբեք». դաշնակցականները ՀՄԸՄ-ի նվագախմբի հետ ուղևորվեցին դեպի Սողոմոն Թեհլիրյանի կիսանդրին. տեսանյութ

ՀՅԴ Հայաստանի Երիտասարդական միության անդամներ ու Հայ Մարմնակրթական Ընդհանուր միության անդամները կազմակերպության նվագախմբի հետ «Թումո»-ի հարակից այգուց այս պահին ուղևորվում են դեպի Սողոմոն Թեհլիրյանի կիսանդրին:

Հիշեցնենք, որ այսօր հայ վրիժառու Սողոմոն Թեհլիրյանի կողմից Թալեաթ փաշայի սպանության 97-ամյակն է։

Քայլերթի մասնակիցները «Արյունոտ դրոշ», «Գետաշեն», «Գինի լից» և հայրենասիրական երգերի ուղեկցությամբ քայլում են դեպի հայ վրիժառուի կիսանդրին՝ իրենց հարգանքի տուրքը մատուցելու և նշելու պատմական այս օրը:

Այս առիթով այսօր ՀՅԴ ՀԵՄ-ը միջոցառում էր կազմակերպել Երևանի պետական համալսարանի ռոմանո-գերմանական ֆակուլտետի բակում, որի ընթացքում երիտասարդները ներկաներին հյուրասիրեցին գինի և բաժանեցին սթիքերներ՝ Թեհլիրյանի պատկերով։