Թուրքական մեդիային բարկացրել է անգլիական սերիալի «հակաթուրքական» տեսարանը

Անգլիական BBC Two և Netflix հեռուստաընկերությունների եթերում ցուցադրվող «Collateral» սերիալում Թուրքիան փնովող տեսարան է տեղ գտել։

Ըստ Ermenihaber-ի՝ ֆիլմի հերոսներից մեկի՝ Թուրքիայի մասին հնչեցրած բացասական հայտարարությունները մեծ դժգոհություն են առաջացրել թուրքական մամուլում և սոցիալական ցանցերում։

Նշված տեսարանում Անգլիայի հետախուզության աշխատակցի և մարդկանց անօրինական գաղթը կազմակերպողների շրջանակներում ներդրված հատուկ գործակալի միջև հետևյալ երկխոսությունն է ընթանում.

- Մանկության ընկերներիս հետ եմ մեծացել, և նրանք ինձ վստահում են։ Երեխա ժամանակ միասին Քըրըքքալեում էինք։

- Երբեք չեմ եղել։

-Աշխարհի ամենաթշվառ վայրն է։ Միասին տեղափոխվեցինք Անգլիա։ Ամեն առավոտ արթնանալիս գոհունակություն ենք հայտնում, որ Թուրքիայում չենք։