Մարտի 1-ի անկարգությունների գլխավոր սադրիչն ու կազմակերպիչը. Վիկտոր Սողոմոնյանը՝ Փաշինյանի մասին

ՀՀ 2-րդ նախագահ Ռոբերտ Քոչարյանի գրասենյակի ղեկավար Սողոմոնյանը հայտարարել է, որ Մարտի 1-ի անկարգությունների գլխավոր սադրիչն ու կազմակերպիչը Նիկոլ Փաշինյանն է:

Նա, պատասխանելով 2rd.am կայքի հարցին, թե մի քանի օր առաջ պատգամավոր Նիկոլ Փաշինյանը Մարտի 1-ի գործի առնչությամբ գրություն էր ուղարկել ՀՀ գլխավոր դատախազին՝ առաջարկելով հարցաքննության կանչել երկրորդ նախագահին, ինչո՞վ է պայմանավորված նրա այդ նախաձեռնությունը, մասնավորապես ասել է. «Անկեղծ ասած` Փաշինյանի գործողությունները ինձ բացարձակապես չեն հետաքրքրում: Բայց, օգտվելով առիթից, ասեմ, որ նրա «շնորհիվ» ականատես դարձա մեր նորագույն պատմության ամենացինիկ տեսարանին. Մարտի 1-ի անկարգությունների գլխավոր սադրիչն ու կազմակերպիչը Ազգային ժողովում Մարտի 1-ի գործով լսումներ էր կազմակերպել ու, նստած ԱԺ նախագահի աթոռին, վարում էր նիստը»: