Կինոյի տունը 30 տարի դադարից հետո կսկսի իր գործունեությունը

ՀՀ Կինեմատոգրաֆիստների միության նախագահ Հարություն Խաչատրյանն արդեն իսկ քայլեր է ձեռնարկել կինոյի ոլորտում փոփոխություններ սկսելու ուղղությամբ:

Yerkir.am-ի հետ զրույցում Խաչատրյանը հայտնեց, որ Կինոյի տունը, որը շուրջ 3 տասնամյակ չի գործում, իր դռները կբացի հանդիսատեսի առաջ:

«Կինոյի տունը կարևոր կառույց է եղել և այն նորից կստանձնի իր դերը: Հավանաբար, հենց գարնան սկզբին Կինոյի տունը կսկսի իր գործունեությունը: Կառույցի բացումը կանենք` «Առաջին սիրո երգը» ֆիլմի ստեղծման 60-ամյակը նշելով, ինչպես նաև Հայաստանի պրոֆեսիոնալ գիլդիաների առաջին մրցանակաբաշխությամբ»,- ասաց նա:

Ի դեպ, Կինոյի տան մեծ դահլիճը հիմնանորոգվել է: