Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Հայաստանի Հանրապետության ԱԳ նախարարության խոսնակ Տիգրան Բալայանը թվիթերյան իր էջում հայտարարել է, որ միջազգային հանրության համապատասխան արձագանքի բացակայությունը խրախուսել է Ադրբեջանի պաշտպանության նախարար Զաքիր Հասանովին կրկին ուժի կիրառման սպառնալիքով հանդես գալ:
«Ադրբեջանի նախագահ Իլհամ Ալիևի կողմից Հայաստանի նկատմամբ տարածքային պահանջների մասին հայտարարությունից հետո միջազգային հանրության համապատասխան արձագանքի բացակայությունը խրախուսել է Հասանովին՝ կրկին ուժի կիրառման սպառնալիքով հանդես գալուն»,- գրել է Տիգրան Բալայանը:
Հիշեցնենք, որ Ադրբեջանի ՊՆ ղեկավար Զաքիր Հասանովը երեկ հանդիպում է ունեցել ԵՄ-ի Հարավային Կովկասում հատուկ պատվիրակ Տոյվո Կլաարի հետ, որի ընթացքում քննարկվել է ԼՂ հակամարտությունը: Հասանովն ասել է, որ բանակցային գործընթացը շարունակում է արդյունք չտալ: Նշելով, որ երկու երկրների բանակները շփման գծում կանգնած են միմյանց դեմ` նա չի բացառել, որ ցանկացած պահի պատերազմը կարող է վերսկսվել: