Հայաստանի հավաքականի պաշտպանը համալրեց «Ալաշկերտ»-ի կազմը

Հայաստանի ազգային հավաքականի ևս մեկ ֆուտբոլիստ հանդես կգա «Ալաշկերտ»-ի կազմում:

Ակումբի ղեկավարությունը 1.5 տարվա պայմանագիր է ստորագրել ազգային թիմի 24-ամյա պաշտպան Տարոն Ոսկանյանի հետ, ով արդեն միացել է «Ալաշկերտ»-ին և մասնակցում է Բելեկում ընթացող երկրորդ ուսումնամարզական հավաքին: Այս մասին հայտնում է ակումբի մամուլի ծառայությունը: 

Տարոն Ոսկանյանի նախորդ ակումբը Կիպրոսի Բարձրագույն խմբի առաջնությունում հանդես եկող «Նեա Սալամինա»-ն էր, որի կազմում նա 10 հանդիպման է մասնակցել ընթացիկ առաջնությունում:

«Նեա Սալամինա» Ոսկանյանը տեղափոխվել էր մեկ այլ կիպրոսյան ակումբից` «Կարմիոտիսա»-ից, որի կազմում հայ պաշտպանը 28 խաղ է անցկացրել:  

Հայաստանի Մ-19 պատանեկան հավաքականի կազմում Ոսկանյանը 5 խաղի է մասնակցել, երիտասարդական հավաքականի կազմում անցկացրած 12 խաղերում նա 1 գոլ է խփել, իսկ ազգային ընտրանու կազմում Տարոնն անցկացրել է 23 հանդիպում:

 Հիշեցնենք, որ օրեր առաջ «Ալաշկերտ» տեղափոխվեց նաև Հայաստանի հավաքականի կիսապաշտպան Դավիթ Մանոյանը: