Վրաստանում հարձակման ենթարկված ՀՀ քաղաքացու առողջական վիճակում դրական տեղաշարժ կա

Վրաստանում ՀՀ դեսպանությունը երկրորդ հայտարարությունն է տարածել ՀՀ քաղաքացի Արթուր Սուքիասյանի վիճակի վերաբերյալ: Հիշեցնենք, որ երեկ ՀՀ քաղաքացի, գործարար Արթուր Սուքիասյանի վրա հարձակվել են անհայտ անձինք եւ նրանից խոշոր չափի կանխիկ գումար հափշտակել:  2 տղամարդ բութ առարկայով նրա գլխին են հարվածել, իսկ հետո նրա մոտից գողացել շուրջ 11 700 դոլար: Սուքիասյանի մոտ այդքան գումար է եղել, քանի որ նա պատրաստվել է Թիֆլիս գնալ՝ իր խանութների համար ապրանքներ գնելու:

Վրաստանում ՀՀ դեսպանությունը երեկ հայտարարություն տարածեց, տեղեկացնելով, որ Արթուր Սուքիասյանը գտնվում է Բաթումի հիվանդանոցներից մեկում բժիշկների հսկողության ներքո: «Վրաստանի Օզուրգեթի քաղաքում ավազակային հարձակման հետևանքով տուժած ՀՀ քաղաքացի Արթուր Սուքիասյանի առողջական վիճակում այսօր կա դրական տեղաշարժ։ Տուժածն իրեն լավ է զգում և գտնվում է բժիշկների մշտական վերահսկողության տակ»- հայտնել է Վրաստանում ՀՀ դեսպանությունը: