Թուրքիայում արտակարգ դրության շրջանակներում աշխատանքից հեռացվողների թիվն աստղաբաշխական է

Թուրքիայում նախորդ տարվա ռազական հեղաշրջման փորձից հետո հայտարարված և հետագայում մի քանի անգամ երկարաձգված արտակարգ դրության շրջանակներում աշխատանքից հեռացվել է մամուլի 262 աշխատակից:

Rezmi Gazete պարբերականում հրապարակված տվյալների համաձայն՝ աշխատանքից ազատվել են նաև նախարարությունների և այլ հաստատությունների աշխատակիցներ:

Համաձայն զեկույցի՝ աշխատանքից  ազատվել է ԿԳ նախարարության 106 աշխատակից: Մյուս կառույցներում պատկերը նույնն է: Ուշագրավ է, որ լուրջ թվերի է հասնում զինված ուժերում աշխատանքից ազատվածների թիվը, որոնք պարբերաբար փոխվում են՝ կախված յուրաքանչյուր արտակարգ դրությունից:

Աշխատանքից հեռացվածներից ոմանք հետագայում կրկին հայտնվել են նույն կամ ավելի բարձր պաշտոններում, սակայն չի նշվում, թե նրանց վերադարձն ինչով է պայմանավորված: Ըստ զեկույցի՝ հետագայում աշխատանքի վերադարձածների թիվը 823 է:

Զեկույցում տեղ են գտել նաև տվյալներ հեռուստաալիքների կամ հեռուստածրագրերի մասին, որոնց հեռարձակումն արգելվել կամ ժամանակավորապես կասեցվել է:

Նշենք, որ Թուրքիայում հեղաշրջման փորձից հետո հայտարարված արտակարգ դրությունն այդպես էլ չի ավարտվում: Յուրաքանչյում 3 ամսվա վերջում երկրի իշխանությունները ինչ-որ պատրվակով երկարաձգում են այն: