Մոտ ժամանակներս Մխիթարյանի հետ կապված հայտարարություն կանեմ. Ռուբեն Հայրապետյան

ՀՖՖ նախագահ Ռուբեն Հայրապետյանն այսօր «Բանանց» մարզադաշտում մասնակցել է արհեստական խոտածածկով երկու խաղադաշտերի բացման արարողությանը: Լրագրողների հետ  ՀՖՖ նախագահը խոսել է Հայաստանի ազգային հավաքականի ավագ ու «Մանչեսթեր Յունայթեդի» կիսապաշտպան Հենրիխ Մխիթարյանի շուրջ ստեղծված իրավիճակի մասին:

«Հենրիխ Մխիթարյանը մեծ պրոֆեսիոնալ է: Նա աշխատասեր է, նվիրված հայկական ֆուտբոլին և, առհասարակ, ֆուտբոլին: 
Մխիթարյանն այն ֆուտբոլիստն է, ում մոտ չի կարող երկար շարունակվել այս վիճակը: Բոլորիդ էլ հայտնի է, թե ինչն է պատճառը: Մոտ ժամանակներս ես էլ մի քանի բաներ կուսումնասիրեմ, կճշտեմ և հայտարարություն կանեմ:  Հենրիխն անպայման կխաղա և կուրախացնի բոլորիս»,- ասել է Հայրապետյանը: 

Հիշեցնենք, որ հայ ֆուտբոլիստը վերջին խաղերում չի ընդգրկվում Ժոզե Մոուրինիոյի թիմի հայտացուցակում: