Ուսանողները կդադարեցնեն դասադուլն ու հացադուլը. կլոր սեղանի շուրջ կհանդիպեն

Տեղեկացրել էինք, որ ԱԺ են հրավիրվել դասադուլ անող ուսանողներից 5-ը:

ՀՀ ԱԺ փոխնախագահ Էդուարդ Շարմազանովը նշեց, որ 3 կարևոր բանի մասին են խոսել: «Տղաներն ուզում են կլոր սեղան կազմակերպվել, ինչին մենք համաձայն ենք: Հանդիպմանը  ներկա կլինեն տղաների կողմից առաջարկված բոլոր դասախոսներն ու գիտնականները: Այդ ամենը լինելու է հրապարակային: Բացի այդ՝ խնդրել ենք դադարեցնել դասադուլն ու հացադուլը»,- ասաց նա:

Դասադուլի մասնակիցներից Դավիթ Պետրոսյանն էլ նշեց, որ դադարեցնելու են դասադուլն ու հացադուլը: «Հացադուլը պետք է դադարեցնել, քանի որ այն ինքնանպատակ չէր և ծառայեց իր նպատակին, ուստի կդադարեցնենք այն, որպեսզի պատրաստվենք կլոր սեղանին՝ նոյեմբերի 22-ին: Կլոր սեղանին կփորձենք ներգրավել գիտնականներին, որ ավելի կազմակերպված ձևով անենք մեր հետագա քայլերը»,- ասաց նա: