Պատահար՝ Երևան-Սևան ճանապարհին

Նոյեմբերի 9-ին, ժամը 11:21-ին ահազանգ է ստացվել, որ Երևան-Սևան ավտոճանապարհին՝ Հրազդան քաղաքի մոտակայքում, տեղի է ունեցել ՃՏՊ, ավտոմեքենան արգելափակված է ճանապարհի բաժանարար հատվածքում, տուժածներ չկան. անհրաժեշտ է փրկարարների օգնությունը։

Դեպքի վայր է մեկնել հրշեջ փրկարարական ջոկատի օպերատիվ խումբը:

Պարզվել է, որ Մ-4 ավտոճանապարհի Երևան-Սևան հատվածի 44-րդ կմ-ին «Nissan X-TRAIL» մակնիշի 34 RD 466 պետհամարանիշի (վարորդ՝ Ռ. Գ.) դուրս է եկել ճանապարհի երթևեկելի հատվածից, բախվել ճանապարհի բաժանարար հատվածքում գտնվող արգելապատնեշին և արգելափակվել:

Փրկարարները հոսանքազրկել են ավտոմեքենան, փակել գազի բալոնի փականը, արգելափակումից դուրս բերել ավտոմեքենան և տեղափոխել ավտոքարշակի վրա: