Սոբչակը մեղադրել է Ստալինին ռուս ժողովրդի ցեղասպանության մեջ

Ռուսաստանի նախագահի թեկնածու Քսենիա Սոբչակը Ինստագրամի իր էջում Ստալինին մեղադրել է ռուս ժողովրդի զանգվածային ցեղասպանության մեջ. հայտնում է Московский комсомолец-ը:

«Նա ոչնչացրել է լավագույններին, ամենախելացիներին, ամենաքաջ մարդկանց: Դա, ըստ էության, ռուս ժողովրդի լայնամասշտաբ ցեղասպանություն է»,- գրել է Սոբչակը:

Նրա խոսքով՝ Ստալինին արդարացնում են նրանով, որ նա երկիրը մեծ գերտերություն է դարձրել՝ միջուկային զենքով և մեգակառույցներով, ինչին հնարավոր էր հասնել կոշտ ղեկավարմամբ: Սակայն, ըստ Սոբչակի, արդյունքում «Ստալինը կառուցել է մի համակարգ, որտեղ ամբողջ իշխանությունը պատկանում է ոչ թե ժողովրդին, ոչ թե ինչ-որ էլիտաների, այլ պարզապես հատուկ ծառայություններին»: