ԵԽԽՎ բյուրոն կոչ է արել Ադրբեջանին հանել ՄԻԵԴ-ի կազմից

Եվրոպայի խորհրդի Խորհրդարանական վեհաժողովի բյուրոն կոչ է արել անհապաղ հեռացնել Ադրբեջանին Մարդու իրավունքների եվրոպական դատարանի կազմից՝ հաշվի առնելով այն փաստը, որ այդ երկիրը չի կատարում ՄԻԵԴ-ի որոշումները:

ԵԽԽՎ կայքում հրապարակված հաղորդագրության համաձայն՝ Ադրբեջանը շարունակում է չկատարել «Իլգար Մամեդովն ընդդեմ Ադրբեջանի» գործով` դատարանի կայացրած դատավճիռը, ինչն էլ պատճառ է դարձել, որպեսզի ԵԽԽՎ բյուրոն Ադրբեջանին ՄԻԵԴ-ի կազմից հանելու կոչով հանդես գա։

Եվրոպական կառույցները բազմիցս պահանջել են Ադրբեջանից ազատ արձակել Իլգար Մամեդովին, սակայն, անտեսելով բոլորին, «Ռեալ» շարժման առաջնորդին շարունակում են կալանքի տակ պահել։

Հիշեցնենք, որ նա մեղադրվել է 2013 թվականի հունվարին Իսմայիլիի անկարգությունները կազմակերպելու համար և դատապարտվել 7 տարվա ազատազրկման: 2014-ին ՄԻԵԴ-ը կոչ է արել Ադրբեջանին` ազատ արձակել Մամեդովին, սակայն ՄԻԵԴ-ի այս որոշումը չի իրականացվել: