«Սասնա ծռեր» 3-ը կքննի Էրեբունու դատարանի նախագահը

«Սասնա ծռեր» խմբի 18 անդամների վերաբերյալ գործից անջատված մասով գործը մակագրվել է Էրեբունի եւ Նուբարաշեն վարչական շրջանների ընդհանուր իրավասության դատարանի նախագահ Արթուր Օհանյանին: Այս մասին տեղեկանում ենք դատական տեղեկատվական համակարգից:

Անջատված մասով ամբաստանյալները 11-ն են՝ Արամ Մանուկյանը, Հովհաննես Հարությունյանը, Թաթուլ Թամրազյանը, Արամ Հակոբյանը, Տիգրան Մանուկյանը, Արայիկ Հակոբյանը, Վարդան Գերավետյանը, Մարտիրոս Հակոբյանը, Սերգեյ Կյուրեղյանը,Գևորգ Իրիցյանը, Թորոս Թորոսյանը:

Հիշեցնենք, որ «Սասնա ծռեր»-ի 18 անդամի վերաբերյալ քննվող գործից մաս անջատելու վերաբերյալ որոշում սեպտեմբերի 28-ին կայացրել էր Էրեբունի և Նուբարաշեն վարչական շրջանների ընդհանուր իրավասության դատարանի դատավոր Արտուշ Գաբրիելյանը: Նույն դատարանի վարույթում է քննվում նաև խմբի անդամներից 14-ի վերաբերյալ գործը: