|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Հայրենիքը Սփյուռքի հոգևոր անվտանգության գլխավոր երաշխիքն է. Հայաստան-Սփյուռք համաժողովի փակման նիստի ժամանակ ասաց ԱԺ նախագահ Արա Բաբլոյանը:
Ըստ նրա` համաժողովն ավելի է ամրապնդելու Հայաստան-Սփյուռք կապը: «Ցանկանում եմ հավաստիացնել, որ ՀՀ ԱԺ-ի դռները բաց են բոլոր կառուցողական առաջարկների համար: Ինչպես գիտեք, Սահմանադրական փոփոխությունների արդյունքում ԱԺ-ի դերն ավելի է կարևորվել, ուստի մենք պատրաստ ենք քննարկել ձեր առաջարկները»,- ասաց Բաբլոյանը:
Խոսելով արտաքին դիվանագիտական հարաբերությունների մասին` ԱԺ նախագահը նշեց, որ մենք լավ գիտակցում ենք` ինչ մարտահրավերներ կան մեր պետության առջև: Նրա հավաստմամբ` մենք առաջին հերթին ելնում ենք մեր շահերից` դիվանագիտական հնարքներ օգտագործելով մեր իրավունքները պաշտպանելու համար:
«Ոչ ոք մեզնից ավելի լավ չգիտի մեր կարիքները, որևէ երկիր մեզնից շատ չի մտածելու մեր այսօրվա ու վաղվա մասին: Մյուս կողմից` մենք չենք փորձում որևէ երկրի հետ մեր հարաբերությունները կազմել ի վնաս այլ երկրի: Մենք վստահության բավական բարձր ցուցանիշ ունենք ԵԱՏՄ-ի և մյուս բոլոր գործընկերների հետ հարաբերություններում` ձգտելով ոչ միայն օգուտ ստանալ նրանցից, այլ նաև օգտակար լինել: Այս ճանապարհին Սփյուռքի աջակցության կարիքն ունենք»,- ասաց Բաբլոյանը: