ԱՄՆ Սենատն ընդունեց Էրդողանի թիկնապահներին զենք կրելն արգելելու վերաբերյալ օրինագիծը

ԱՄՆ Սենատը հաստատել է Թուրքիայի նախագահ Ռեջեփ Թայիփ Էրդողանի թիկնապահներին զենք կրելն արգելող նախագիծը:

Հիշեցնենք, որ մայիսի 16-ին Էրդողանի՝ ԱՄՆ այցի ընթացքում նրա թիկնապահները հարձակվել և դաժան ծեծի էին ենթարկել իրենց ղեկավարի այցի դեմ բողոքող հայերին, քրդերին, հույներին և եզդիներին: Բախումների հետևանքով վիրավորվել էր 11 մարդ: Հետագայում ԱՄՆ Հայ Դատի գրասենյակը տեսանյութ էր հրապարակել՝ ապացուցելով, որ ցուցարարների վրա հարձակվելու հրամանը տվել է Էրդողանը: Միջադեպը մեծ արձագանք էր գտել աշխարհում: Վերջերս Վաշինգտոնի դատախազությունը հայտարարել էր, որ այդ գործով դատական զեկույցն արդեն պատրաստ է:

Ըստ Diken-ի՝ բացի օրինագծի քննարկումից, Սենատում բարձրացվել է նաև ծեծկռտուքին մասնակից` Թուրքիայի երկու քաղաքացիների հարցը: Նրանք դատարան են բերվել կալանավորի հագուստով, շղթայված ոտքերով: Նիստի ընթացքում որոշվել է երկարաձգել նրանց կալանքը: Հաջորդ նիստի օր է նշանակցել սեպտեմբերի 10-ը: