Ադրբեջանը մեղադրում է Սորոսին եւ հայերին

Ադրբեջանի նախագահի` անելանելի վիճակում հայտնված մամուլի ծառայությունը հերքել է Guardian-ում տեղ գտած հետաքննական հրապարակումը, համաձայն որի` այդ երկրի իշխող էլիտան երկու տարի շարունակ տնօրինել է 2,8 միլիարդ ԱՄՆ դոլարանոց գաղտնի հաշիվ, որի միջոցով մեծ գումարներ են վճարվել եվրոպացի քաղաքական գործիչներին՝ ադրբեջանամետ որոշումներ կայացնելու համար:

Ադրբեջանի վարչակազմը հերքում է անհերքելին. Ալիևի վարչակազմը հոդվածի համար մեղադրում է ամերիկացի միլիարդատեր Ջորջ Սորոսին և հայկական լոբբիին:

«Մենք գիտենք, որ այդ ամենի հետևում կանգնած է աշխարհում ավազակի անուն ձեռք բերած, խարդախ և ստախոս Ջորջ Սորոսն ու նրա ենթակաները: Սորոսի կեղտոտ գործերը պետք է լրջորեն հետաքննվեն: Նրա հետ համագործակցող հայկական լոբբին կեղտոտ արշավ է իրականացնում Ադրբեջանի նախագահի և նրա ընտանիքի դեմ»,- ասվում է հաղորդագրությունում: