Արագածոտնից Ծաղկաձոր ճանապարհեցին երեխաների վերջին խմբին

Հուլիսի 27-ին Ծաղկաձորի  «Լավա աղբյուր» մանկական ճամբար մեկնեց Արագածոտնի մարզի երեխաների վերջին խումբը՝ բաղկացած 125 հոգուց,  ովքեր այնտեղ կմնան մինչեւ օգոստոսի 15-ը:

Կառավարության կողմից կազմակերպվող ամենամյա այս ճամբարը նախատեսված է զոհված եւ վիրավոր ազատամարտիկների, սոցիալապես անապահով, նպաստառու, միակողմանի եւ երկկողմանի ծնողազուրկ , բազմազավակ ընտանիքների երեխաների համար: Ծրագիրը մարզում համակարգվում է մարզպետարանի կողմից՝   ներառյալ հանգստի մեկնոց երեխաների ցուցակների ուսումնասիրությունը, նրանց դեպի ճամբար եւ այնտեղից դեպի մարզկենտրոն տեղափոխումը:  Մարզպետ Աշոտ Սիմոնյանի հանձնարարականով հատուկ հետեւողականություն է իրականացվում ճամբարում գտնվող երեխաների առօրյային նկատմամբ:

Առաջին խումբը ճամբարում հանգստացել է  հունիսի 19-ից հուլիսի 8-ը, երկրորդ խումբը` հուլիսի 8-ից մինչեւ հուլիսի 27-ը: Այս ամռանը մարզից , ընդհանուր առմամբ, Ծաղկաձորում  հանգստացավ  355 երեխա:    

ՀՀ Արագածոտնի մարզպետարանի տեղեկատվության եւ հասարակայնության հետ կապերի բաժին