Փրկարարները կանխել են գազատարից գազի արտահոսքը

Հունիսի 22-ին, ժամը 15:41-ին ահազանգ է ստացվել, որ Երևան քաղաքի Արաբկիրի 39-րդ փողոցի թիվ 2 շենքի 9-րդ հարկից մետաղյա խողովակը պոկվել և կախվել է, առկա է ընկնելու վտանգ. անհրաժեշտ է փրկարարների օգնությունը: 

Դեպքի վայր է մեկնել հատուկ նշանակության փրկարարական աշխատանքներ իրականացնող կենտրոնի փրկարարական ջոկատը:

Փրկարարներն ամրացրել են անձրևատար խողովակը (մոտ 4 գմ):

***

Հունիսի 22-ին, ժամը 13:48-ին ահազանգ է ստացվել, որ Երևան քաղաքի Մ. Մկրտչյան փողոցի թիվ 104/1 տան մոտակայքում գազի խողովակից առկա է արտահոսք՝ հրդեհի բռնկմամբ:

Դեպքի վայր է մեկնել մեկ մարտական հաշվարկ:

Պարզվել է, որ թիվ 104/1 տուն (սեփականատեր Ա. Կ.) մտնող գազատար խողովակից տեղի է ունեցել գազի արտահոսք՝ առանց հրդեհի բռնկման:

Փրկարարները փակել են գազատար խողովակի փականը և դադարեցրել արտահոսքը. հերթապահել են մինչ գազի վթարային ծառայության աշխատակիցների մոտենալը: