Էրդողանն ու սեռափոխված թուրք երգիչը աղոթել են

Թուրքիայի նախագահ Ռեջեփ Թայիփ Էրդողանն ու նրա կինը՝ Էմինեն, Թարաբյայի իրենց նստավայրում ընդունել են հայտնի երգիչ-երգչուհիների, դիզայներների և մարզիկների:

Էրդողանն ու առաջին տիկինը աղոթել են իֆթարի (Ռամադանի ժամանակ երեկոյան սննդի ընդունման կարգ) սեղանի շուրջ հավաքվածների հետ: 

Ուշագրավ է, որ Էրդողանն ու Թուրքիայի ամենահայտնի երգչուհիներից համարվող՝ սեռափոխված Բյուլենթ Էրսոյը ճաշել են նույն սեղանի շուրջ:

Համացանցի օգտատերերի ուշադրությունից չի վրիպել Էրդողանի ու Էրսոյի լուսանկարը: Թուրք օգտատերերը նաև ֆիքսել են այն փաստը, որ իրականում ազատ հագնվող հայտնիները Էրդողանի հետ հանդիպման ընթացքում կրել են համեմատաբար փակ զգեստներ: