Առողջապահության նախարարությունը կրճատեց մեկ «Շեվրոլե Նիվա»

Կառավարության վաղվա նիստի օրակարգում առողջապահության նախարարությունը ներառել է որոշում` առողջապահության նախարարության աշխատակազմին պատկանող «Շեվրոլե Նիվա» մակնիշի ավտոմեքենան (արտադրության տարեթիվը` 2006 թ., նույնականացման համարը` X9L21230060138446)` 920,000 դրամ արժեքով, հետ վերցնել և ամրացնել կառավարությանն առընթեր պե­տական գույքի կառավարման վարչությանը հետագայում օտարելու նպատակով:

Նախագծի ընդունումը բխում է ՀՀ վարչապետի ծառայողական ավտոմեքենաների կրճատմանն ուղղված միջոցառումներ իրականացնելու  հանձնարարականի կատարման անհրաժեշտությամբ:

Հայաստանի Հանրապաետության առողջապահության նախարարության աշխատակազմի հաշվեկշռում հաշվառված 1 ծառայողական մարդատար ավտոմեքենան շահագործվում է և գտնվում է սարքին վիճակում, սակայն դրա շահագործումը նպատակահարմար չէ, քանի որ պահանջում է լրացուցիչ ծախս` վառելիք, վերանորոգում և այլն: