Գառնի գյուղի գազալցակայանում «Նիվա»-ն պայթել է. 24-ամյա լիցքավորողը մահացել է

Քիչ առաջ ողբերգական դեպք է տեղի ունեցել Կոտայքի մարզում. հայտնում է shamshyan.com-ը:

«Դեռևս անհայտ պայմաններում Գառնի գյուղում գտնվող գազալցակայանում լիցքավորման ժամանակ պայթել է Վազ 2121 մակնիշի 43 ՕՍ 399 համարանիշի ավտոմեքենան: Ինչպես դեպքի վայրից հայտնում է ֆոտոլրագրող Գագիկ Շամշյանը, լիցքավորողը ստացել է մարմնական վնասվածքներ և հիվանդանոց տեղափոխվելու ճանապարհին, ըստ դեպքի վայրում հավաքվածների, մահացել է:

Ֆոտոլրագրողի տեղեկություններով՝ մահացածը Գառնի գյուղի բնակիչ, 24-ամյա Ռոման Սիմոնյանն էր: Վնասվածքներ է ստացել նաև այդ պահին գացալցակայանում գտնվող մեկ այլ Нива-ի սեփականատեր, Գառնի գյուղի բնակիչ, 56-ամյա Նորիկ Հարությունյանը»,- գրում է կայքը:

Մանրամասն` սկզբնաղբյուրում