|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Խարդախության մեղադրանքով 6 տարվա ազատազրկման դատապարտված ազատամարտիկ, պահեստազորի գնդապետ Վոլոդյա Ավետիսյանն այսօր ազատ արձակվեց «Վարդաշեն» ՔԿՀ-ից:
Լրագրողների հետ զրույցում նա ասաց, որ շարունակելու է պայքարը անարդարության դեմ: Ավետիսյանը ՔԿՀ-ից անմիջապես մեկնեց կառավարության շենքի մոտ՝ նստացույց անելու:
Հիշեցնենք, որ Ավետիսյանը կալանքի տակ էր 2013-ի սեպտեմբերից: 2014-ի հուլիսի 17-ին Արաբկիր և Քանաքեռ-Զեյթուն վարչական շրջանների ընդհանուր իրավասության դատարանի դատավոր Լեւոն Ավետիսյանի վճռով` Վոլոդյա Ավետիսյանը մեղավոր էր ճանաչվել ՀՀ ՔՕ 178-րդ հոդվածի 2-րդ մասի 5-րդ կետով (խարդախությունը` մի խումբ մարդկանց հետ ընդհանուր համաձայնությամբ) եւ ՀՀ ՔՕ 34-178 հոդվածի 2-րդ մասի 5-րդ կետով (խարդախության փորձը) և դատապարտվել 6 տարի ժամկետով ազատազրկման: Համաձայն մեղադրանքի՝ նա 2000 դոլար կաշառք է վերցրել Հենրիկ Զաքարյանից նրա թոռանը ժամկետային ծառայությունից ազատելու համար, նաև 500 դոլար է պահանջել Ալբերտ Մաթոսյանից նրա որդուն զորամասում համակարգչային օպերատոր նշանակելու հարցը լուծելու համար։ Ավետիսյանը, սակայն, իրեն առաջադրված մեղադրանքը չէր ընդունում և համարում, որ իր դատապարտպան պատճառը քաղաքական է: