Ով որ հանձնաժողովը կղեկավարի.հայտնի են անունները

Ավարտվեցին ՀՀԿ ԳՄ և խորհրդի նիստերը: Նիստից հետո ՀՀԿ խոսնակ Էդուարդ Շարմազանովը նշեց, որ ՀՀԿ խմբակցության քարտուղարի պաշտոնում ՀՀԿ-ն առաջադրել է Գագիկ Մելիքյանին: Հիշեցնենք, որ խմբակցության ղեկավար կմնա Վահրամ Բաղդասարյանը:

«Վաղը ՀՀԿ խմբակցությունը կառաջարկի փոփոխություններ կատարել ԱԺ կանոնակարգ օրենքում, ըստ որի՝ ԱԺ մշտական 12 հանձնաժողովները կրճատել մինչև 9-ի: Այստեղ, ըստ Դոնթի բանաձևի, մենք կունենանք 6 հանձնաժողովի նախագահի անուն առաջարկելու իրավունք: Այդ անուններն են` ֆինանսաբյուջետային հանձնաժողովի նախագահ` Գագիկ Մինասյան, արտաքին հարաբերությունների հանձնաժողովի նախագահ` Արմեն Աշոտյան, տնտեսական հանձնաժողովի նախագահ` Խոսրով Հարությունյան, պետաիրավական հարցերի հանձնաժողովի նախագահ` Հրայր Թովմասյան, ներքին գործերի և անվտանգության հարցերի հանձնաժողովի նախագահ` Կորյուն Նահապետյան, առողջապահության և սոցիալական հարցերի հանձնաժողովի նախագահ` Հակոբ Հակոբյան»,- ասաց Շարմազանովը:

Նրա խոսքով, վաղը, ըստ օրենքի, հրաժարական կտա կառավարությունը, և ինչպես նախապես նշել էր ՀՀԿ նախագահ Սերժ Սարգսյանը, ապա ՀՀԿ վարչապետի թեկնածուն կլինի Կարեն Կարապետյանը, ով կձևավորի գործադիրի  ապագա կաբինետը: Նա նշեց, որ նախարարների առաջադրման հարց չի քննարկվել:

Վաղը ԱԺ-ում տեղի կունենա ԱԺ նախագահի և տեղակալների ընտրությունը: Հիշեցնենք, որ ԱԺ նախագահի պաշտոնում ՀՀԿ-ն տեսնում է Արա Բաբլոյանին: