ԱԺ նախագահ կլինի փորձառու մեկը. Շարմազանով

ՀՀԿ խոսնակ Էդուարդ Շարմազանովը ՀՀԿ ԳՄ նիստից առաջ պատասխանեց լրագրողների մի քանի հարցերին:  Արձագանքելով ԱԺ նախագահի պաշտոնի հավանական թեկնածուին վերաբերող հարցին` նա ասաց, որ այդ պաշտոնին հավակնում է ավելի փորձառու քաղաքական գործիչներից մեկը: Yerkir.am-ի հարցին` արդյո՞ք ԱԺ նախագահ է նշանակվելու Արա Բաբլոյանը, Շարմազանովը պատասխանեց. «Ինչու` ոչ»:

Ի դեպ, Շարմազանովի խոսքից հասկանալի դարձավ, որ ՀՀԿ խմբակցությունը, ամենայն հավանականությամբ, կրկին կղեկավարի Վահրամ Բաղդասարյանը: «Կարծում եմ՝ Վահրամ Բաղդասարյանը վատ չի կատարել խմբակցության ղեկավարի պարտականությունները»,- ասաց նա՝ հավելելով, որ մյուս հարցերին կանդրադառնա ԳՄ նիստից հետո: