Ավտովթար` «Էրեբունի» ԲԿ-ի մոտակայքում. տուժածի վիճակը ծանր է

Մայիսի 15-ին, ժամը 23:46-ին ահազանգ է ստացվել, որ Երևան քաղաքի «Էրեբունի» ԲԿ-ի մոտակայքում տեղի է ունեցել ՃՏՊ՝ ավտոմեքենան բախվել է սյանը, առկա է գազի արտահոսք. անհրաժեշտ է օգնություն:

Դեպքի վայր է մեկնել երկու մարտական հաշվարկ: 

Պարզվել է, որ «Jeep Grand Cherokee» մակնիշի 34 LP 444 պետհամարանիշով ավտոմեքենան (վարորդի ինքնությունը չի հաջողվել պարզել) բախվել է էլ. սյանը: Մինչ փրկարարների կանչի վայր հասնելը` քաղաքացի՝ 1965 թ. ծնված Մ. Յ.-ը դուրս է բերվել տեղի ուժերով և հոսպիտալացվել «Էրեբունի» ԲԿ, որտեղ նրա առողջական վիճակը բժիշկները գնահատել են ծանր:

Ավտոմեքենան հոսանքազրկվել է:

Փրկարարները սահմանազատել են տարածքը, դադարեցրել ավտոմեքենայի գազի արտահոսքը և իրականացրել ճանապարհի լվացման աշխատանքներ: