Հնգյակից տղայի վիճակը շարունակում է մնալ ծայրահեղ ծանր

Մայիսի 3-ին լույս աշխարհ եկած հնգյակից ողջ մնացած երեք նորածինների առողջական վիճակը շարունակում է մնալ նույնը: Yerkir.am-ին առողջապահության նախարարությունից տեղեկացրեցին, որ Մոր և մանկան առողջության պահպանման գիտահետազոտական կենտրոնում և «Սուրբ Աստվածամայր» բժշկական կենտրոնում գտնվող երկու աղջիկների վիճակը բժիշկները գնահատում են կայուն ծանր: «Մուրացան» հիվանդանոցային համալիրի նորածնային վերակենդանացման բաժանմունքում գտնվող տղայի վիճակը շարունակում է մնալ ծայրահեղ ծանր:

Հիշեցնենք, որ հնգյակից երկու աղջիկ մահացել է` մայիսի 6-ին և 7-ին: Ըստ ՀՀ ԱՆ գլխավոր մանկական ռեանիմատոլոգ Հրանտ Կալենտերյանի` նորածինների մոտ առկա խնդիրները պայմանավորված են խոր անհասությամբ և հետևանք են նրանց օրգան-համակարգերի ոչ բավարար զարգացման։