Թուրքիայում հայկական հիվանդանոցի հիմնադրամի նախագահը կհանդիպի Էրդողանի հետ

Թուրքիայի նախագահ Էրդողանի ապրիլքսանչորսյան ուղերձում  Պոլսի հայոց պատրիարքական ընտրություններին անդրադարձից հետո Սուրբ Փրկիչ հայկական հիվանդանոցի հիմնադրամի նախագահ Պետրոս Շիրինօղլուն հայտնել է Էրդողանի հետ հանդիպման մասին:

«Ակօս»-ի հետ զրույցում նա հայտնել է, որ Էրդողանի հետ հանդիպում է ծրագրում: «Ինչպես արդեն նշել է Էրդողանն իր ուղերձում, նա տեղյակ է հայոց պատրիարքական ընտրությունների հարցից: Նրա հետ իմ նախորդ հանդիպման ընթացքում խոստացել էր հանրահավաքից հետո ևս մեկ հանդիպում ունենալ ինձ հետ: Հաջորդ շաբաթ «հիմնադրամների շաբաթ» է: Եթե ինչ-որ հարց չառաջանա, ծրագրում եմ նրա հետ հանդիպել: Մեր համայնքի համար մեծ խնդրի վերածված այս հարցը կարճ ժամանակում, կարծում եմ, լուծում կստանա: Պետք է հանգիստ լինենք, վերջապես կայանալու են այս ընտորւթյունները»,- նշել է Շիրինօղլուն: