Պուտինը և Էրդողանը պայմանավորվածություն ձեռք չեն բերել միայն լոլիկների վերաբերյալ

Սոչիում Ռուսաստանի և Թուրքիայի նախագահների բանակցություններից հետո երկու երկրների միջև առևտրում հանվել են սահմանափակումները. հայտնում է РБК-ն: Սակայն թուրքական լոլիկները դեռ մնում են արգելքի տակ:

ՌԴ նախագահ Վլադիմիր Պուտինը բացատրել է դա այն բանով, որ հաշվի են առնվում ֆերմերների շահերը: Ըստ նրա` ռուս-թուրքական հարաբերությունների ճգնաժամային շրջանում ռուս ֆերմերները վարկային ներդրումներ են արել` տեղական լոլիկ աճեցնելու համար:

«Դա բավականին երկարատև շրջափուլ է, որը կապված է մեր կլիմայական պայմաններում ջերմոցների կառուցման և այլնի հետ: Այդ պատճառով սահմանափակումները դեռ կգործեն»,- ասել է Պուտինը: