Պերմյակովին հնարավոր է փոխանցեն ՌԴ-ին․ Интерфакс

Հայաստանի արդարադատության նախարարությունը քննարկում է Գյումրիում Ավետիսյանների ընտանիքի սպանության համար ցմահ ազատազրկման դատապարտված Վալերի Պերմյակովի պատիժը կրելու վայրի հարցը: Այս մասին նախարարությունում հայտնել են Интерфакс-ին:

Նախարարությունում չեն բացառել, որ Պերմյակովին կարող են փոխանցել ռուսական կողմին: Նման հնարավորությունը չի բացառել նաև նրա փաստաբան Էդուարդ Աղաջանյանը:

Միևնույն ժամանակ, ՀՀ արդարադատության նախարարությունը հերքել է  ԶԼՄ-ների տեղեկություններն այն մասին, թե Պերմյակովին կարող են փոխանակել Ռուսաստանում խոշոր ավտովթարի գործով մեղավոր ճանաչված ՀՀ քաղաքացի Հրաչյա Հարությունյանի հետ: