Եկել է խոսքից գործի անցնելու ժամանակը. Մամեդյարով

Վլադիմիր Պուտինի հրավերով և նախաձեռնությամբ Սանկտ Պետերբուրգում 2016-ին անցկացված` նախագահների մակարդակով հանդիպման ժամանակ կայացել են ԼՂ հակամարտության կարգավորման հարցով հիմնարար քննարկումներ: Այդ մասին Trend-ի հետ զրույցում ասել է Ադրբեջանի ԱԳՆ ղեկավար Էլմար Մամեդյարովը:

«Հույս ունենք, որ Մոսկվայում հանդիպումը կդառնա Սանկտ Պետերբուրգում նախագահների մակարդակով անցկացված կառուցողական բանակցությունների շարունակությունը: Եկել է խոսքից գործի անցնելու ժամանակը: Ադրբեջանը պատրաստ է էական  բանակցությունների, ինչի մասին մենք բազմիցս հայտարարել ենք»,- ասել է նա։

Նշենք, որ ապրիլի 28-ին Ռուսաստանի արտաքին գործերի նախարարի հրավերով Մոսկվայում կկայանա Ռուսաստանի, Հայաստանի և Ադրբեջանի արտաքին քաղաքական գերատեսչությունների ղեկավարներ Սերգեյ Լավրովի, Էդվարդ Նալբանդյանի և Էլմար Մամեդյարովի հանդիպումը՝ Ղարաբաղյան հիմնախնդրի  կարգավորմանը վերաբերող հարցերի քննարկման նպատակով: