Հիշո՞ւմ եք նրանց, որոնց ծովն էինք նետում 100 տարի առաջ. Էրդողանի սկանդալային հայտարարությունը

Թուրքիայի նախագահ Ռեջեփ Թայիփ Էրդողանը սահմանադրական փոփոխությունների վերաբերյալ հանրաքվեի վերաբերյալ Իզմիրում անցկացված հանրահավաքի ժամանակ սկանդալային ելույթով է հանդես եկել:

Ըստ Diken-ի՝ Էրդողանը հրապարակավ ընդունել է 100 տարի առաջ քրիստոնյաներին Բոսֆորի ջրերը նետելու փաստը՝ ասելով. «Հիշո՞ւմ եք նրանց, որոնց ծովն էինք նետում 100 տարի առաջ: Այ նրանց պաշտպաններն են, որ այսօր «ոչ» են ասում փոփոխություններին: Եվ իրենց ձիերին ու շներին են բաց թողնում «այո» ասողների վրա»:

Նա իր ելույթում հերթական անգամ քննադատել է Եվրոպային, հայտարարել է, որ «իրական հիվանդը» հենց Եվրոպան է, քանի որ վարակվել է ռասիզմի վիրուսով: «Այս անգամ նրանց վիճակը ծանր է լինելու»,- ասել է Էրդողանը:

Նշենք, որ 1922-23 թվականներին քեմալական շարժման ժամանակ թուրքերը Բոսֆորի ջրերն են նետել քրիստոնյա հույներին՝ որպես իմպերիալիզմի օկուպացիայի դեմ պայքարի դրսևորում: