Թուրքիան կարող է պատժամիջոցներ կիրառել Հոլանդիայի դեմ

Թուրք-հոլանդական հարաբերությունները շարունակում են լարված մնալ: Թուրքիան կարող է պատժամիջոցներ կիրառել Հոլանդիայի դեմ. Այդ մասին տեղեկացնում է Haberler-ը:

Երկու երկրների միջև լարվածություն է առաջացել այն բանից հետո, երբ Ռոտերդամ քաղաքում  չեղարկվել էր Թուրքիայի ԱԳ նախարար Մևլութ Չավուշօղլուի նախընտրական հանրահավաքը:

Թուրքական կայքի հաղորդմամբ՝ Անկարան կարող է դիվանագիտական և քաղաքական պատժամիջոցներ  կիրառել: Քանի որ Թուրքիայի և Հոլանդիայի միջև լուրջ համագործակցություն կա հետախուզության ոլորտում, ապա չի բացառվում, որ Թուրքիան կարող է այդ հարցում սահմանափակումներ մտցնել:

Ներկայիս Թուրքիայի Ադանա քաղաքում տեղեկայված են նաև Հոլանդիայի «MIM-104 Patriot» ՀՕՊ համակարգերը, և հոլանդացի պաշտոնյաները պարբերաբար այցեր են  կատարում  այնտեղ: Երկու երկրների միջև լարվածության պատճառով պաշտոնյաների այցերը որոշ ժամանակով կարող են տեղի չունենալ:

Haberler-ը չի բացառում նաև,  որ Անկարան կարող է իր օդային տարածքը փակել Հոլանդիայի բոլոր ռազմական և լյուքս կարգի ինքնաթիռների համար: