Փարիզում կնոջը տուգանել են գիրքը փողոցում թողնելու համար, ապա՝ ներել

Ֆրանսիայի մայրաքաղաք Փարիզում գիրքը փողոցում թողնելու համար կնոջը 68 եվրոյով տուգանելու որոշում են կայացրել, սակայն երբ կինը պատահածի մասին գրել է սոցիալական կայքերում, տուգանքը չեղյալ են համարել, հայտնում է «Lenta.ru»-ն:

Գվինելն (լրիվ անունը չի նշվում) արդեն կարդացած գիրքը փոխանակման նպատակով  թողել է գրախանութի ցուցափեկղում: Նա պատմել է, որ ներսի դարակների վրա ազատ տեղ չի գտել: Նրան մեղադրել են հասարակական վայրում աղբ թողնելու համար: Փարիզում նման պատժամիջոց կիրառում են, երբ օրինակ ծխախոտն են նետում փողոցում:

Պատահածի մասին Գվենել  անունով կինը պատմել է սոցիալական ցանցերում: Այն բանից հետո, երբ տեղի ունեցածին արձագանքել են լրատվամիջոցները, տեղական իշխանությունները չեղյալ են համարել տուգանքի մասին որոշումը՝ հայտարարելով, որ տեղի ունեցածը սխալմունք է:

«Սխալմունք է: Փարիզը սիրում է գրքերը և նրանց, ովքեր կիսվում են գրքով: Մենք չեղյալ ենք համարում տուգանքը»,- ասել  են իշխանությունները: