Շենքային տարածքները օպտիմալացնել կամ արդյունավետ օգտագործել. նոր հանձնարարական

Այսօր կառավարության նիստում, նախքան օրակարգին անցնելը, վարչապետ Կարեն Կարապետյանը հանձնարարական տվեց շենքային տարածքներն արդյունավետ օգտագործելու վերաբերյալ:

«Պետական կազմակերպությունների կողմից փաստացի զբաղեցված շենքային տարածքները ոչ բոլոր դեպքերում են համապատասխանում նորմատիվորեն հաստատված պահանջներին, որոշ դեպքերում թերբեռնված են կամ, առհասարակ, արդյունավետ չեն օգտագործվում»,- ասաց նա:

Վարչապետը հանձնարարեց գործադիր մարմինների բոլոր ղեկավարներին` համատեղ աշխատելով կառավարությանն առընթեր պետական գույքի կառավարման վարչության հետ, մեկամսյա ժամկետում ուսումնասիրել զբաղեցրած շենքային տարածքների օպտիմալացման և առավել նպատակային օգտագործման հարցը: