Թունավորումներ Երեւանում

Հունվարի 23-ին, ժամը 3.55-ին, հիվանդանոցից ոստիկանության Շենգավիթի բաժնում հաղորդում է ստացվել, որ շտապօգնության խումբը «թունավորում շմոլ գազով» ախտորոշմամբ բուժօգնության է տեղափոխել 15-ամյա Արսեն Կ.-ին եւ 13-ամյա Էմիլ Կ.-ին, իսկ ժամը 4.35-ին հիվանդանոցից հաղորդում է ստացվել, որ շտապօգնության  խումբը նույն ախտորոշմամբ իրենց մոտ է տեղափոխել 41-ամյա Լիլիթ Մ.-ին եւ 65-ամյա Անահիտ Հ.-ին:

Ըստ բժշկի տեղեկանքի՝ նրանք ի վիճակի չեն եղել բացատրություն տալու:

Կատարվում է հետաքննություն:

***

Հունվարի 23-ին, ժամը 4.20-ին, հիվանդանոցից ոստիկանության Արաբկիրի բաժնում հաղորդում է ստացվել, որ «շմոլ գազի թունավորում» ախտորոշմամբ շտապօգնության խումբը բուժօգնության է տեղափոխել 62-ամյա Սվետլանա Հ.-ին, 24-ամյա Հովհաննես Մ.-ին եւ 32-ամյա Լուսինե Մ.-ին:

Մեկնած օպերատիվ խումբը պարզել է, որ նույն օրը, ժամը 3.00-ին, նրանք տանը թունավորվել են շմոլ գազից:

Նշանակվել են դատաբժշկական եւ դատաշինարարատեխնիկական փորձաքննություններ:

Կատարվում է հետաքննություն: