Լավրովը խուսափել է պատասխանել հայ լրագրողի` ադրբեջանական դիվերսիայի մասին հարցին

ՌԴ ԱԳՆ ղեկավար Սերգել Լավրովը հանդես է եկել ամփոփիչ մամուլի ասուլիսով: Նրան հարց է ուղղել նաև հայ լրագրող: Լրագրողը մասնավորապես հետաքրքրվել է` ինչպե՞ս է Ռուսաստանը գնահատում հայ-ադրբեջանական սահմանին անցյալ տարվա դեկտեմբերի 29-ին տեղի ունեցած դեպքերը և ադրբեջանական կողմի պահանջով բլոգեր Լապշինի ձերբակալությունը Մինսկում, ով, ի դեպ, նաև ՌԴ քաղաքացի է: Լավրովն անդրադարձել է միայն Լապշինին վերաբերող հարցին:

«Մենք դեմ ենք լրագրողների կամ անհատների կողմից այս կամ այն տարածք այցը քրեականացնելուն: Երկրորդ` մենք դեմ ենք այս կան այն երկրում ձերբակալված ՌԴ քաղաքացիներին երրորդ երկիր արտահանձնելուն»,- ասել է նա:

Լավրովը հավելել է, որ իրենք հյուպատոսության միջոցով շփում ենք ունեցել Լապշինի հետ: «Մենք գիտենք, որ նա միաժամանակ Իսրայելի քաղաքացի է. իսրայելցի դիվանագետները նույնպես շփում ենք ունեցել նրա հետ: Մենք բոլոր միջոցներով կաշխատենք լուծել այդ խնդիրը` հարգելով ՌԴ քաղաքացու իրավունքները»,- նշել է նա:

Ի դեպ, հայ-ադրբեջանական սահմանին տեղի ունեցած դեպքերի մասին հարցին Լավրովը այդպես էլ չի պատասխանել: