Կարեն Կարապետյանի հերթական նորամուծությունը

Այսօր` կառավարության նիստի քննարկումից առաջ, ՀՀ վարչապետ Կարեն Կարապետյանը պարզաբանումներ ներկայացրեց կառավարության նիստի օրակարգի նոր ձևաչափի վերաբերյալ, որը կոչվում է «չքննարկվող»: Ներկայացվող հարցերից որոշների դիմաց նշված է «չքննարկվող»:

Կարեն Կարապետյանը նշեց, որ նախ նախարարությունները պետք է որոշեն, թե որ հարցերն ու որոշումներն են կատարվելու իրենց մակարդակով, որոնք են բերվելու նիստի օրակարգ: Սակայն տեխնիկական բնույթի և հանրության կողմից առանձնապես հետաքրքրություն չներկայացնող հարցերը վարչապետն առաջարկեց տարբերակել և ներկայացնել «չքննարկվող» ձևաչափում: Նա հարցրեց, թե արդյո՞ք նախարարները համաձայն են կամ ունեն առարկություններ, որ որոշ հարցեր այդ ձևաչափից դուրս գան ու չքննարկվեն: Նախարարներն առարկություն չունեին: