Ռուս-ամերիկյան հարաբերությունները կարող են վերականգնվել. Պուտին

ՌԴ նախագահ Վլադիմիր Պուտինը հայտարարել է, որ ռուս-ամերիկյան հարաբերությունները կարող են վերականգնվել` չնայած լուրջ փորձություններին, մշակութային կապերը կարող են մոտեցնել երկու երկրներին: Այդ մասին հայտնում է РИА Новости-ն:

«Մեր երկրներում կան մարդիկ, որոնց համար թանկ են հարաբերությունները, որոնք հարգում և սիրում են ԱՄՆ-ի և ՌԴ-ի մշակույթները: Իհարկե, դա մոտեցնում է, մեր հարաբերությունների լիարժեք վերականգնման հույս տալիս»,- ասել է նա:

Պուտինը նման հայտարարությամբ է հանդես եկել Կրեմլում պետական պարգևներ շնորհելու ժամանակ: Միջոցառմանը մասնակցել է նաև Սյուզան Լերմանը, ով նախաձեռնում է ԱՄՆ-ում կրթական ծրագրեր: