Վարչապետը ՀՀԿ-ին անդամակցելու դիմում չի գրել, բայց մնում է կուսակցության առանցքային ներկայացուցիչը

Հայաստանի Հանրապետական կուսակցությունը քննարկում է կուսակցության ծրագիրն ու կանոնադրությունը փոփոխելու հարցը։

Այս մասին կուսակցության գործադիր մարմնի նիստի ավարտից հետո լրագրողների հետ ճեպազրույցում հայտարարել է ՀՀԿ խոսնակ Էդուարդ Շարմազանովը։

Ինչ վերաբերվում է ՀՀ վարչապետ Կարեն Կարապետյանի՝ ՀՀԿ-ին անդամակցելուն, ՀՀԿ խոսնակն ասել է, որ այս պահին պարոն Կարեն Կարապետյանը ՀՀԿ-ին անդամակցելու դիմում չի գրել․ «Եթե նույնիսկ գրի, ապա մի զարմացեք, եթե չգրի, էլի մի զարմացեք»,- ասել է Շարմազանովը՝ կրկին հիշեցնելով ավելի վաղ հայտարարածը՝ «Կարեն Կարապետյանը մեր քաղաքական թիմի առանցքային ներկայացուցիչն է»։