Գործընկերային սոլիդարություն են պահպանելու

Այսօր ԱԺ-ում 2017թ. բյուջեի նախագծի քննարկման ժամանակ հիմնական զեկուցող` ֆինանսների նախարար Վարդան Արամյանին հարց ուղղեց ՀԱԿ խմբակցության քարտուղար Արամ Մանուկյանը:

«Ձեր նախորդ կառավարություններին արգելված էր քննադատել իրենց նախորդներին: Հովիկ Աբրահամյանի կառավարությանը արգելված էր քննադատել Տիգրան Սարգսյանի կառավարությանը: Դուք է՞լ եք կաշկանդված` քննադատելու ձեր նախորդների կառավարությանը, ներկայացնելու թերությունները, ձախողումները»,- հարցրեց Արամ Մանուկյանը:

Ֆինանսների նախարար Վարդան Արամյանը պատասխանեց. «Խոսքը չի գնում արգելքի մասին, այլ, որ պետք է պահպանել գործընկերային սոլիդարությունն ու կոռեկտությունը: Անընդհատ  նախկիններին քննադատելը ես չեմ ընդունում, ես ունեմ իմ անելիքները, դրանք պետք է անեմ` անկախ այն բանից` մեր նախկիններն ինչ են արել, ինչ օբյեկտիվ կամ սուբյեկտիվ ցուցանիշներ են թողել: Ռեսուրսները պետք է ուղղել ապագային, ոչ թե ընկնել քննադատությունների ու դրանց արձագանքների ճիրանը»: