Հռոմի պապը Թբիլիսիում պատարագ է մատուցել գրեթե դատարկ մարզադաշտում

Հռոմի պապ Ֆրանցիսկոսը, որ գտնվում է Վրաստանի մայրաքաղաք Թբիլիսիում, պատարագ է մատուցել քաղաքի մարզադաշտում, որ գրեթե  է եղել: Ավելի վաղ Վրաց ուղղափառ եկեղեցին իր հավատացյալներին խորհուրդ էր տվել  չմասնակցել հռոմեա-կաթոլիկ արարողակարգին:

Մարզադաշտում, որտեղ կարող է միաժամանակ գտնվել 25 հազար մարդ, ընդամենը 3000 մարդ է եղել  պատարագի ժամանակ: Ինչպես հայտնում է Reuters-ը, սա Հռոմի պապի 16 արտասահմանյան այցերից ամենաքիչ մարդաշատն է եղել: Նշենք, որ պաշտոնական տվյալներով կաթոլիկների թիվը  Վրաստանի բնակչության 1 տոկոսից քիչ է: Հատկանշական է, որ Վրաց ուղղափառ եկեղեցու պատվիրակությունը նույնպես ներկա չի եղել  թբիլիսյան պատարագին:

Փոխարենը պատարագին եկել է նախագահ Գեորգի Մարգելաշվիլին:

Ի դեպ, Ֆրանցիսկոսի այցից  երկու օր առաջ վրաց կաթողիկոս Իլիա Երկրոդը  հանդես էր եկել հայտարարությամբ, որտեղ  ասվում էր, որ ուղղափառ հավատացյալները չեն կարող ներկա գտնվել  կաթոլիկների առաջնորդի պատարագին` հոգեւոր դոկտրինների տարբերությունների պատճառով: Միեւնույն ժամանակ նույն հայտարարության մեջ խստորեն դատապարտվում էին  պապի հասցեին  անընդունելի բացասական հայտարարությունները:

Նշենք, որ Հռոմի պապին Թբիլիսիում դիմավորեցին  բողոքի ակցիաներով, որի մասնակիցները «Վատիկանը հոգեւոր ագրեսոր է», «Հեռու մնա Վրաստանից, հակաքրիստոս» վրացերեն եւ անգլերեն գրություններով պաստառներ ով շարվել են օդանավակայանից քաղաք տանող ճանապարհի երկայնքով: