Վերամշակող ձեռնարկություններն ունեն ժանգոտված կառավարման համակարգ. Կարեն Կարապետյանի երկու լուծումները

Այսօր կառավարության նիստում, օրակարգին անցնելուց առաջ, վարչապետ Կարեն Կարապետյանը բարձրացրեց խաղողի գնման գործընթացի կազմակերպման հարցը` ասելով, որ ամեն տարի այդ հարցը բազմաթիվ խնդիրներ է հարուցում: Նա շեշտեց, որ պետք է մշակել այնպիսի հայեցակարգ, որ խաղողի մթերման հարցը լուծվի:

Վարչապետն ասաց, որ տեղյակ է Վայոց ձորի մարզի Աղավնաձոր գյուղում ստեղծված իրավիճակին, գյուղացիների բողոքին, նշեց, որ այդ գյուղից խաղող է մթերվել, բայց մթերող ընկերությունն իր պարտավորությունները չի կատարել:

Կարեն Կարապետյանն առաջարկեց խնդրի լուծման երկու տարբերակ, մեկը` պետությունը ֆինանսավորում ու այդ ոլորտի ամբողջ կառավարումը վերցնում է իր վրա, սակայն նաև հավելեց, որ, իր կարծիքով, պետությունը չի կարող լավագույն կառավարիչը լինել: և Երկրորդ տարբերակը` պետությունը պետք է ամենօրյա հսկողություն սահմանի խնդրի վրա:

«Վերամշակող ձեռնարկություններն ունեն ժանգոտված կառավարման համակարգ, մանրամասն դրա մասին կխոսենք»,- ասաց վարչապետը: